За нас

Релито Калин Камен е офф роуд – туристичко возење по шумски патеки (црн пат) на кои се наоѓаат природни препреки: снег, кал, големи успони, зелена трева, камења, вода и друго на кое учествуваат теренски возила (џипови 4 х 4). Се вози по непристапни терени  на  Осоговските  планини  во  околината  на Крива Паланка.

За прв пат ова Рели Калин Камен е одржано на 24.05.2009  година  и  ќе  се одржува секоја година. Со наш труд, а и помош од Ваша страна како учесници и идни членови на клубот би сакале оваа манифестација да ја збогатиме со поголема програма, да внесеме натпреварувачки карактер, како би го продолжиле дружењето на два до три дена.

Целта на ова Офф–Роуд  возење под името Рели Калин Камен е запознавање на убавините на Осоговските Планини, културно-историските споменици, дружење со други подржувачи на овој екстремен спорт, соработка со други Авто Мото Клубови  од  земјава  и  странство,  како  и  развој  на  алтернативните спортови  и алтернативниот туризам.

СО ПОЧИТ КОН СИТЕ УЧЕСНИЦИ !

АМК ОФФ-РОУД ОСОГОВО Крива Паланка