Котизацијата за учество изнесува 600 денари по возило и треба да се уплати на следнава жиро сметка:

ЗГ „АМК ОФФРОУДОСОГОВО“ Крива Паланка

жиро сметка: 240-3500020389-03 депонент на: Уни Банка АД Скопје

со назнака: котизација за Рели Калин Камен 2011г. име на екипата рег.бр1, рег.бр2 итн.

Формуларот го пополнуваат Возачот и Совозачот на екипата.

1.1. Организација

3-то Рели  Калин Камен  представува  ОФФ  РОУД – туристичко  возење со теренски возила 4 х 4, совладување на препреки низ тешко проодни терени низ Осоговието организирано од страна на Авто Мото Клубот ОФФ-РОУД ОСОГОВО од Крива Паланка, како и општината Крива Паланка.

Релито ќе се одржи на 24 Мај и ќе се вози  во  должина од 64 км, претежно црн  пат  (80% од патеката)  и на висинска разлика од 1500 м. Ќе  имаме  средба  со соседните општини на Царев врв 2085 м. од каде ќе ни се придружат до Манастирот Свети Јоаким Осоговски.

Сите потребни информации, упатства, агенда, правилник и се останато што  е  потребно  за  оваа манифестација  ги  овозможува  АМК ОФФ – РОУД ОСОГОВО Крива Паланка.

Организаторот го задржува правото за измени на агендата, како и правилникот  доколку  се  случат неочекувани  збиднувања,  но  се обврзува на време да ги извести учесниците.

1.2. Учесници

На 3-то Рели Калин Камен 2011 може да учествува секој кој е заинтересиран и има теренско возило (4х4) за офф-роуд терен.

Секое возило мора да има минимум два члена (екипа), а максимум четири:

возач и три совозачи. Возачот  и  еден  од  совозачите  мора  да  поседуваат возачка дозвола (важечка).

Пред почетокот – стартот  екипата  мора  да  го  пополни пријавниот лист, изјавата и да ја плати котизацијата која ја одредува организаторот.

1.3. Котизација

Котизацијата се плаќа по возило на жиро сметка, уплатниците се прикажуваат на посебно место одредено кај самиот старт. На истото место ќе биде и потпишувањето на пријавата и изјавата кои што се веќе пополнети од учесниците.

Котизацијата изнесува 600 денари и содржи храна и пијалоци за учесниците (доручек и ручек), како и одреден пропаганден материјал.

2. Услови за учество

Сите возила мора да бидат регистрирани за возење. Покрај возачот и совозачот кои се задолжителни може да има и уште учесници, онолку  за  колку е возилото регистрирано  (сообраќајна дозвола).  Забрането  е употреба  на  аграрни  возила и опрема (трактори, тракторски гуми, гусеници, моторни пили..).

На СТАРТОТ секое возило мора  да  има  залепено  стартен  број  од  двете страни на возилото, на предните врати, на видливо место.

2.1. Минимална НЕОПХОДНА опрема за учество:

-појас

-прва помош

-сајла за шлепање

-преден винч

-заштитан трака за дрво

-противпожарен апарат

2.2. Препорачана опрема:

-средства за комуникација (радио станици, моб.телефони)

-заштитни ракавици

-вода за пиење

-основен алат

-гумени чизми

3. Генерални правила за време на возењето

3.1. Сигурност на учесниците

Во  текот  на  возењето  возачот  и  совозачот  се  должни  да  ги  користат сигурносните појаси. За време на возењето се забранува употреба на алкохол.

Се забранува претекнување за време на возењето, непочитувањето ќе се казнува со неучество на посадата во наредните возења.

3.2. Заштита на животната средина

Забрането е фрлање на ѓубре по патеката или на било кое место кое не е предвидено за тоа.

Секое влечење за дрво, а без заштитна трака ќе се казнува со казнени поени.

Сите екипи мора да водат сметка за приватна своина. Доколку не се наоѓаат на правиот пат, а наидат на приватна земја (ливади, засејани површини..), НЕ СМЕАТ да се движат по истите.

Во спротивно ќе ги сносат сите трошоци доколку дојде до тужба.

3.3. Државни правила

Поради  тоа  што  дел  од  патеката  води  низ  населени  места  и  јавни  патишта,  се обврзуваат  сите  учесници  да  се  однесуваат  во  склад со постоечките сообраќајни  прописи.

3.4. Спортско однесување

Секоја екипа која од одредени причини заостанува зад другите или е во квар должна  е  да  го  пропушти возилото кое се движи зад нив доколку тоа го дозволува теренот.  Дозволена е помош на другите екипи, доколку сте во можност или ако тоа сакате да го направите.

Во случај на незгода, посебно ако има повредени сите учесници се должни да помогнат и што побргу да ги известат организаторите.

Организаторот се обврзува дека сите возила кои останат на терен од одредени причини ќе ги извлече до крајот на трката.

4. Возење

4.1. Објаснување

3-то Рели Калин Камен 2011 е офф роуд – туристичко возење по шумски патеки (црн пат) на кои се наоѓаат природни препреки: снег, кал, големи успони, зелена трева, камења, вода и друго на кое учествуваат теренски возила (џипови 4 х 4).

Се вози по непристапни терени  на  Осоговските  планини  во  околината  на Крива Паланка.

4.2. Начин на возењето

Се вози со стартни броеви, така што  не  смее  да  се  претекнува во текот на возењето и треба да се запази редоследот на стартните броеви.

4.3. Цел на возењето

Целта  на  ова  Офф – Роуд  возење  под  името   Рели  Калин  Камен  2011  е запознавање на убавините на Осоговските Планини, Културно-историски споменици, дружење со други подржувачи на овој екстремен спорт, соработка со други Авто Мото Клубови  од  земјава  и  странство,  како  и  развој  на  алтернативните спортови  и алтернативниот  туризам.

4.4. Историјат

За прв пат ова Рели Калин Камен е одржано на 24.05.2009  година  и  ќе  се одржува секоја наредна година. Со наш труд, а и помош од ваша страна како учесници и идни членови на клубот би сакале оваа манифестација да ја збогатиме со поголема програма, да внесеме натпреварувачки карактер, како би го продолжиле дружењето на два до три дена.

СО ПОЧИТ КОН СИТЕ УЧЕСНИЦИ !

АМК ОФФ-РОУД ОСОГОВО Крива Паланка

За сите информации: http://offroadosogovo.org

Контакт телефони: 071/206-209, 075/207-107

За сигурноста на целиот настан се грижеа како организаторите така и екипите на Брза помош при Здраствен дом од Крива Паланка, полицијата како и противпожарна екипа.

Им благодариме на сите учесници на настанот, колегите од Moto Klub ” Osogovski Vozaci “ од Кочани и  Offroad Klub Stip од Штип.

Посебно се заблагодаруваме на Општина Крива Паланка и градоначалникот Арсенчо Алексовски како генерални покровители на настанот за 2010 година и несебичната поддршка.

Ве покануваме на 24 Мај 2011 година уште еднаш заедно со нас да ги доживееме убавините на Осоговските планини преку заедничко целодневно дружење.

Напомена: Оваа година ќе направиме мала измена на патеката, ќе има можност за поискусните да изберат дел од патеката кој ќе биде потежок за возење. Останатите ќе возат по веќе возената и проверена патека.

Заинтересираните можат уште сега да се пријавуваат преку линкот пријава 2011г. како и на телефонскиот број 071 206 209.

Во продолжение погледнете дел од атмосферата на релито:

g-rally-may2010

60 Photos

Се е спремно за утрешното одржување на релито Калин Камен 2010г.

cistenje1

23 Photos

cistenje2

31 Photos

Ви посакуваме успешно поминување на патеката и дружење со останатите учесници во релито!

Патеката ја снимавме со два GPS уреди  Garmin Nuvi 200 i Garmin Nuvi 255 со кои Горан Цветковски покасно ќе изработи висински профил на патеката како и GPS мапа која што ќе можат да ја користат сите кои што иамат компатибилни уреди. За повеќе информации посетете ја следнава страница или контактирајте го Горан Цветковски.

На едно место од патот пред да се дојде до Острец во село Мождивњак требаше да почекаме да се тргнат дрва од патот и потоа продолживме нагоре. Некаде во близина на Дренак, наидовме на паднато дрво – Даб – Благун на патот и мораше самите да го искастриме за да може да се помине со џипот.

Нагоре, до околу 1600 метри надморска височина времето беше добро а околу нас имаше траги на неодамнешните обилни врнежи од дожд, дури можеше да се видат и ниви посеани со компири а компирите измиени на блискиот пат. Инаку, се поминува покрај границата со Општина Кратово, на еден дел од делницата во далечина може да се види хидросистемот Злетовица и неговата брана, езеро уште нема бидејќи системот уште не е пуштен во работа. Може да се видат и врвовите Костадиница, Калин, Камен, Лисец, во далечина се наѕира Царев Врв, надолу накај Крива Паланка може да се видат четирите мостови за сеуште недовршената железничка пруга како и поголем дел од полето.

Од таа надморска височина – 1600м. веќе можеше да се види и свежо паднат снег на повисоките околни врвови и на делницата пред нас.

Како одевме нагоре, повисоко, стануваше се по ладно и потемно, за да веќе на околу 1800 метри надморска височина не дочекаат силен ветер, снег и прилично ладно време.

Продолживме до триесетиот километар од трасата за релито каде што наидовме на голем снежен нанос на патот во должина од 20-30 метри каде што целиот пат беше затрупан од снег и беше невозможно да се продолжи со џипот.

Од тука продолживме уште 1-2 километри пешки за да видиме дали и понатаму има слични снежни наноси на патот и решивме дека е најдобро да се вратиме назад и да побараме машина за да може патот да биде прооден за релито.

На враќање се спуштивме до село Метов а од тука преку село Дурачка река во Крива Паланка.

Целата помината делница ќе Ви биде презентирана покасно тука.

Со нас од „модерните технологии“ носевме два дигитални апарати, една камера, и два GPS уреди, но за камерите и апаратите снемавме батерии дупи и пред да дојдеме до крајната дестинација.

За друг пат ќе мора да се носат повеќе батерии

Еве и неколку слики од вчерашните доживувања:

pripremi1

Припреми за рели, проверка на патека

43 Photos

pripremi2

Припреми за рели, проверка на патека

27 Photos

pripremi3

Припреми за рели, проверка на патека

73 Photos

На пресконференцијата ќе биде објавена агендата на настанот.